மழைகாலங்களில் மட்டும்..

கணங்கள் தோறும் 
வெவ்வேறு முகங்கள் 
வெவ்வேறு வாகனங்கள் 

வெவ்வேறு மேகங்கள்… 

தேயத் தேய நீண்டுறங்கும் 
புழுதியையும் சேற்றையும் 
மாறி மாறி அணிந்து சிரிக்கும்..!

”குழந்தை அழுவானே எனக்காக” 

காப்பகத்தை நினைத்த 
இளம்தாயின் தவிப்பு மட்டும்...!

”அம்மா ! இந்த சாக்லேட் 
சீக்கிரமாய் கரைந்து விடுகிறதே”

குழந்தையின் ஏக்கம் மட்டும்...!

“பூச்சி ஏதாவது கடிச்சுடுச்சா
எத்தனை வீக்கம் !” 

கணவனின் வீங்கிய கையை 
வருடும் பெண்ணின் கரிசனம் மட்டும்...!

”நீங்க நல்லா இருக்கணும் சாமி” 

பத்து ரூபாய்க்கான 
பிச்சைக்காரரின் நிறைவு மட்டும்...!

“எம்புள்ள விரட்டிப்புட்டான் 
தெருத்தெருவா அல்லாடுறேன்
எதுனா கொடுப்பா” 

காதை சுரண்டும் 
பெரியவரின் பிசிறிய குரல்மட்டும்....!

வெடித்து உடைகிறது சாலை....

கரைந்து உருகுகிறது மண் ....

சேர்ந்து கலக்கிறது சகதியாய்.

மழைக்காலங்களில் மட்டும்.....!




டிஸ்கி : நண்பர்களே இன்று முதல் கூகுள் பிளஸ்ஸிலும் தமிழ் பேரன்ட்ஸ்
வலைத்தள பக்கம் உருவாக்கப்பட்டுள்ளது.தொடர அன்புடன் அழைக்கிறேன்



நண்பர்களே ! எழுதிய கவிதை பிடித்திருந்தால் தங்களது கருத்துக்களை பகிர்ந்துவிட்டுச்செல்லுங்கள்

Tweet

Share