ஆட்டோகிராஃப் புத்தகம்

ஒருகணம் குழம்பிப் போனேன்

திடீரென்று நீட்டியபோது...

இப்போது எதற்காக இது....?

முகவரியை எழுதும்போது

மெல்லிய சோகம் தாக்க

தவறிழைத்தது போலொரு குற்ற உணர்வு..

இவ்வளவு உள்ளங்களை

எப்படி உணராமல் இருந்தேன்

இத்தனை நாட்களும்....?

எப்படி சிலரின் வட்டத்துக்குள்ளேயெ

சிக்கிக் கிடந்தேன்....?

நீங்கள் விளையாட்டாய் காட்டிய கோபம்..

சில அர்த்தமற்ற பேச்சுக்கள்...

வேண்டுமென்றே கூறிய கிண்டல்கள்...

நான் புன்னகைத்தபோது பார்க்காமல் போனமை…

வருந்தியிருக்கிறேன் இவைகளை எண்ணி...

உங்கள் சிரிப்பொலிகளும் காலடியோசைகளும்

பொங்கி வழிந்த காரிடார்கள்..

கவனங்கள் ஒருமுகப்படுத்த்ப்பட்ட வகுப்பறைகள்..

இவைகளே நினைவுச் சின்னமாய்....

வரும் காலங்களில்...

கிரகித்துக் கொண்ட தூண்களிடமும்,

வகுப்பறைகளிடமும்தான்

போய் நிற்க வேண்டுமோ....?

உங்களின் சிரிப்பொலிகளை மீண்டும் கேட்க..?

அச்சமாயிருக்கிறது நண்பர்களே !

நானும் ஓருநாள் போயாக வேண்டும்

இந்த இனிமைகளை விட்டு

என்பதை நினைக்கையில்…!

வணக்கம் நண்பர்களே ! இரண்டாமாண்டு முடிக்கையில் இறுதியாண்டு மாணவர்களின் பிரிவினால் முளைத்த ஆட்டோகிராப் புத்தகம் பிடித்திருந்தால், தங்களது கல்லூரி கால நினைவுகளை ஒரு முறை திரும்பிப் பார்த்துவிட்டு கருத்துக்களையும் வாக்குகளையும் பகிர்ந்துவிட்டுச் செல்லுங்கள்..

Tweet

Share