எதனை விட்டுச் செல்ல..

ஒரு மரம்..

ஒரு புத்தகம்..

ஓர் இயக்கம்..

எதையேனும் விட்டுச் செல்ல…

யாருக்கேனும் நிழல் கொடுக்க..

எனக்கும் ஆசைதான்…!

ஆனால்

என் கால்களுக்கு கீழே

பூமி வேகமாய்

ஓடிக்கொண்டிருக்க…

சேர்ந்து ஓடத் தெரியாமல்

விழுந்து, எழுந்து

மீண்டும் மீண்டும்

விழுந்து கொண்டிருக்கையில்

எதை இங்கே விதைக்க.. ?

என் தத்துவங்கள்

சுழல்களில் சிக்கி

மூச்சுத் திணறின…!

என் விதைகள்

யாருக்கோ தீனியாகின…!

இருந்தும்

எதையேனும் நிலைநிறுத்த

கிடைக்கின்ற நேரங்களில்...

வாழ்வியலின் இறுக்கத்தை

கிளறி சேமித்து

வைக்கிறேன்….

உங்கள் ஞாபகங்களில் பதியும்

நம்பிக்கைகளாய் விட்டுச்செல்ல….

நண்பர்களே !  தமிழ் பேரன்ட்ஸ் வலைதளத்தையும் அங்கீகரித்து, இன்று வலைச்சரத்தில் மண்பயனுற வேண்டும் என்ற இடுகையில் அறிமுகப்படுத்திய இந்த வார ஆசிரியர் மிடிகிளாஸ் மாதவி அவர்களுக்கும், தளத்தின் பொறுப்பாசிரியர் அவர்களுக்கும் என் மனமார்ந்த நன்றிகள்..

அறிமுகங்களுக்கு பின்னூட்டங்கள் வழியாக வாழ்த்துக்கள் தெரிவித்த ஒவ்வொரு நல் இதயத்திற்க்கும் கோடானுகோடி நன்றிகள்

Tweet

Share