தாயுள்ளம்

மார்பிலே தவழவிட்டு

மகனோடு கொஞ்சுகிறான்

என் மகன்!

இப்படித்தான் அவனை

ஈரமுடன் நான் வளர்த்தேன்!

எப்படித்தான் மறந்தானோ…

என்னை இன்று துரத்திவிட்டான்!

முதுமையில் தனிமையாய்

வறுமையின் கொடுமையோடு

தள்ளாடித் தவித்தபோதும்

விழிகள் பரபரக்கும்

தூரத்தில் நின்றேனும்

ஒருமுறை என் மகனைக் காண!

பிரார்த்தனை

வேறொன்றுமில்லை

கடைசிவரை கைவிடாமல்

பேரனாவது காக்க வேண்டும்

என் மகனை!

நண்பர்களே இந்த பதிவு தங்களுக்கு பிடித்திருந்தால் மறக்காமல் வாக்களியுங்கள்.

Tweet

Share